睇完呢段片終於知道點解會有咁大爭議。原來個方向就係想探討香港點樣國際化，年青人點樣面向世界再影響社會；但好諷刺既係幾個受訪者同你講既係，當你成功面向世界果一刻，其實你可以走佬，根本唔需要去理香港變成點。（但我唔認為要怪責呢幾位朋友，因為佢地只係有咁既條件，就好自然會有咁既諗法）
於是又番到去兩個基本問題：
1. 點樣國際化都要番到去香港人既身份認同問題，兩者之間要有連繫先有意思。
但你班精英面向世界既時候，可唔可以好似韓國人咁愛自己居住既地方先；甚至乎可唔可以做倒最基本既要求，家在香港？
2. 而家話香港唔國際化又要講到大陸化既問題，自願被迫既「背靠祖國」，加埋內地政府影響下既教育、產業同埋傳媒既封閉性發展，邊有可能靠香港青少年一己之力可以扭轉得倒？你係大中華派又好，本土派又好，都無可能逃避唔面對呢個困局。
Search